Ana səhifə Toplum |
Millət vəkili Qənirə Paşayeva Macarıstanda keçirilən Turan Qurultayı çərçivəsində Qazaxıstanın Mədəniyyət və idman nazirinin müavini Kuatjan Ualiyev ilə görüşüb.
Axar.az xəbər verir ki, görüşdə Azərbaycanla Qazaxıstan arasında bütün sahələrdə əməkdaşlığın getdikcə daha da artmasının sevindirici hadisə olduğu vurğulanıb.
Q.Paşayeva Azərbaycan və Qazaxıstan rəhbərlərinin yüksək dostluq münasibətləri və onların rəhbərliyi altında iki qardaş ölkə münasibətlərinin inkişafı istiqamətində görülən işlərdən danışıb.
Millət vəkili Azərbaycan parlamentinin Qazaxıstanla əlaqələrin və dostluğun inkişafına böyük önəm verdiyini, parlamentlərarası əməkdaşlığın daha da genişləndiyini qeyd edib.
Görüş zamanı deputat Azərbaycan, xüsusilə də Qarabağ həqiqətləri ilə bağlı da geniş məlumat verib.
Kuatjan Ualiyev ölkəsinin hər zaman Azərbaycanın yanında olduğunu deyib.
Q.Paşayeva həmçinin Qazaxıstanın KİV və Beynəlxalq Türk Akademiyasının prezidenti Darhan Kıdırali və bir sıra universitet rektorları ilə də görüşüb.
Görüşdə iki qardaş arasında əməkdaşlığın imkanları və türk birliyinin güclənməsi istiqamətində yeni layihələr ətrafında önəmli fikir mübadiləsi aparılıb.
Tarix
2018.08.17 / 12:24
|
Müəllif
Aygün Yusibova
|