Ana səhifə Toplum |
Paytaxtın bəzi yollarında piyada və avtomobillərin rahat hərəkətini təmin etmək məqsədi ilə yol ayrıclarına yeni işıqforlar qoyulacaq.
Xəzər Xəbər-in məlumatına görə, bununla bağlı təklif Bakı Nəqliyyat Agentliyindən gəlib. Bu işıqforların yeni dərs ili başlayana qədər qoyulması nəzərdə tutulur.
Bakı Nəqliyyat Agentliyinin təklifinə əsasən, "Nizami2 metrostansiyasının yaxınlığında Cəfər Cabbarlı və Zivərbəy Əhmədbəyov küçələrinin Əlibəy Hüseynzadə küçəsi ilə kəsişmələrində işıqforların qoyulması planlaşdırılır.
Ərazi "Nizami" metrostansiyasına yaxın olduğundan burada piyadaların sıx hərəkəti müşahidə edilir.
Avtomobillərin xaotik hərəkətinin müşahidə edildiyi və pik saatlarda tıxacın yaşandığı digər ərazi isə Nərimanov rayonu ərazisində Əhməd Rəcəbli və Cəfər Xəndan küçələrinin kəsişmələridir ki, burada da növbəliliyin işıqforlarla tənzimlənməsi və piyada zolağının çəkilməsi nəzərdə tutulur.
Qeyd edək ki, Agentlik tərəfindən paytaxtın digər yollarında da rahat hərəkətin təşkili üçün araşdırma aparılır.
Tarix
2018.09.11 / 23:11
|
Müəllif
Axar.az
|