Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Noyabr 2018


İş adamını şantaj edən jurnalistlər azadlığa buraxıldı

Ana səhifə Toplum
12 Punto 14 Punto 16 Punto 18 Punto

Millitv.az saytının baş redaktoru Rövşən Qasımov, saytın əməkdaşları Elmira Məmmədova, Natavan Mehdiyeva və Yeganə Əhmədovanın cinayət işi üzrə məhkəmə prosesi başa çatıb.

Axar.az xəbər verir ki, bu gün Bakı Ağır Cinayətlər Məhkəməsində hakim Fikrət Qəribovun sədrliyi ilə baş tutan prosesdə hökm oxunub.

Məhkəmənin hökmü ilə təqsirləndirilən şəxslərin barəsində Cinayət Məcəlləsinin 70-ci (şərti məhkum etmə) maddəsi tətbiq edilib.

Təqsirləndirilən şəxslərin hər birinin barəsində şərti cəza seçilib. Hökmdən sonra zamində olan təqsirləndirilən şəxslər sərbəst buraxılıblar.

İttihama görə, hüquq-mühafizə orqanlarının keçirdiyi əməliyyat zamanı millitv.az saytının baş redaktoru Rövşən Qasımov, saytın əməkdaşları Elmira Məmmədova, Natavan Mehdiyeva və Yeganə Əhmədova Binəqədi rayonunda yerləşən “Qədim Qəbələ” restoranında iş adamı Şirin Abdullayevin barəsində rüsvayedici məlumatlar yaymamaq üçün 3 min manat alan zaman saxlanılıblar.

Məlumata görə, təqsirləndirilən Rövşən Qasımov əvvəllər Milli Məclisin mətbuat xidmətinin əməkdaşı olub.

Təqsirləndirilən şəxs qismində ifadə verən Rövşən Qasımov bildirib ki, 2016-cı ildə saytı təsis ediblər, bu saytı yaratmağı Natavan Mehdiyeva ona təklif edib:

“Yeganə xanım mənə dedi ki, qadınları cinsi istismara məruz qoyan əxlaqsızlıq yuvası var. Bu yerin rəhbəri də Şirin adlı şəxsdir. Dedi ki, biz bu problemi yazıb, bu kimi yerlərin fəaliyyət göstərməsinin qarşısını alaq. Sonra biz çəkilişlə gəldik, həmin məkanda çəkiliş apardıq”.

Rövşən Qasımov qeyd edib ki, Şirin Abdullayevə məxsus olan obyektə müştəri kimi yaxınlaşıb, 30 manat müqabilində ona orada qadınla intim münasibətdə olmağı təklif ediblər:

“Biz bu faktları qeyd etdik və bu sübutları polisə təqdim etdik”.

Rövşən Qasımov qeyd edib ki, çəkiliş aparan zaman Toğrul adlı şəxs onlara yaxınlaşaraq çəkiliş aparmamasını və bu barədə polisə məlumat verilməməsini istəyib:

"Ancaq biz onu eşitmədik, yenə də polisə gedib məlumat verdik. Bir gün sonra Şirin adlı şəxs mənə zəng edib və bu məsələ ilə bağlı görüşüb, danışmağı təklif etdi”.

Təqsirləndirilən şəxsin ifadəsinə görə, həmin vaxt Şirin Abdullayev ona gecə zəng edib:

“Mən Elmira xanımla onun görüşünə getdik. Görüşə Toğrul və Şirin gəldi. Şirin dedi ki, əməliyyat olunmuşam, vəziyyətim yaxşı deyil, çəkilişi efirə verməyin, polisə şikayət etməyin. Bizə söz verdi ki, bu ayın sonu həmin obyekti bağlayacağam. Bizim söhbətimiz yekunlaşdı”.

Rövşən Qasımovun ifadəsinə görə, bir neçə gün sonra Şirin Abdullayev yenidən onunla birlikdə görüşüb və söhbət etməyi təklif edib:

“Restoranda görüşdük, yemək yeməyə yeni başlamışdıq ki, polislər gəlib bizi Baş Mütəşəkkil Cinayətkarlıqla Mübarizə İdarəsinə apardılar”.

Tarix
2018.09.12 / 16:18
Müəllif
Hacı Zeynalov
Şərhlər
Загрузка...
Digər xəbərlər

Metropolitendən Fazil Mustafaya cavab

Azərbaycanda futbol məşqçisi qəzada öldü

“Bakcell”in baş direktoru rəqəmsal transformasiya barədə danışdı

Evi yanan bu şəxslərə yeni evlər veriləcək - Video

Avtomobillərin parklanması üçün yeniliklər ediləcək - Video

Dəfn zamanı qanunvericilik pozularsa... - Yeni cərimələr

QHT-lər gözlərini büdcəyə dikib: Ayda 116 manatla...

Azərbaycanın Fransadakı dostları Bakıda – Foto

Bu şəxslərin təqaüdü artırıla bilər – MM-də müzakirə

5 nəfərin yanaraq öldüyü evin – Videosu

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla