Ana səhifə Toplum |
Bu gündən etibarən piyadaların avtomobillə vurulması faktlarının qarşısının alınması və hadisələrin azalması istiqamətində təbliğatı gücləndirmək məqsədi ilə kütləvi tədbirlərə başlamışıq.
Bu sözləri Axar.az-a açıqlamasında Bakı Şəhər Dövlət Yol Polis İdarəsinin bölmə rəisi Vaqif Əsədov deyib. O bildirib ki, bu tədbirlər hərəkətin intensivliyi yüksək olan ərazilərdə aparılır:
“Tədbirləri paytaxtın Şamaxı yolu, 20 Yanvar adlanan hissələrində, eləcə də metronun “Elmlər Akademiyası”, “Neftçilər”, “Qara Qarayev” stansiyalarında və digər ərazilərdə KİV əməkdaşlarının müşayiəti ilə aparırıq. Xüsusən, piyada keçidlərində, metro çıxışlarında yol polisləri jurnalistlərlə birlikdə maarifləndirmə işləri həyata keçirəcək.
Bildirmək istəyirəm ki, piyadalar yolu keçən zaman diqqətli olmalıdır və qulaqcıqdan istifadə etməməlidir. Onlar yaxınlaşmaqda olan nəqliyyat vasitəsinin sürətini dəqiqləşdirdikdən sonra yerüstü piyada keçidi vasitəsi ilə qarşı tərəfə keçməli, sürücülər kimi, işıqforların hərəkətinə uyğun hərəkət etməlidirlər”.
Tarix
2018.09.12 / 17:22
|
Müəllif
Nərmin Əkbərli
|