Ana səhifə Toplum |
15:21
Azərbaycan Respublikası Prezidentinin Sərəncamı ilə Azərenerji Açıq Səhmdar Cəmiyyətinə edilən yeni təyinatdan sonra bu sahədə təxirəsalınmaz tədbirlərin həyata keçirilməsinə başlanılıb.
Axar.az xəbər verir ki, bu barədə Azərenerji ASC-nin İctimaiyyətlə əlaqələr və mətbuat xidmətinin rəisi Yəhya Babanlı məlumat yayıb. O bildirib ki, hazırda bütün enerji obyektlərinə kompleks baxış keçirilir:
“Ölkədə enerji sisteminin infrastrukturunun yenidən qurulması və müasirləşdirilməsi məqsədilə müvafiq tədbirlər görülür. Müəssisələrdə əmək və xidmət intizamının möhkəmləndirilməsi istiqamətində bir sıra addımlar atılır.
Çevik və təkmil idarəetmə mexanizminin qurulması üçün yeni struktur üzərində işlər aparılır. Eyni zamanda, kadr potensialının gücləndirilməsi və ondan səmərəli istifadə olunması kimi vacib məsələlər diqqət mərkəzindədir”.
Qeyd edək ki, Azərbaycan Respublikası Prezidenti İlham Əliyev sentyabrın 4-də Azərişıq ASC sədri Balababa Rzayevi “Azərenerji” sədri vəzifəsinə təyin edib.
Tarix
2018.09.21 / 23:40
|
Müəllif
Büllurə Yunus
|