Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Noyabr 2018


Bu maaşla gəncləri cəlb etmək mümkün deyil – Direktor

Ana səhifə Toplum
12 Punto 14 Punto 16 Punto 18 Punto

Azərbaycan Milli Elmlər Akademiyasındakı (AMEA) aşağı əmək haqqı ilə gəncləri elmə cəlb etmək mümkün deyil.

AMEA Tarix İnstitutundan Axar.az-a daxil olan məlumata görə, bu sözləri institutun direktoru, millət vəkili, akademik Yaqub Mahmudov deyib. O bildirib ki, maraqlı mövzularda araşdırma aparan istedadlı gənclər dissertasiyalarını müdafiə etdikdən sonra AMEA-nı tərk edirlər:

“Büdcə zərfi sübut edir ki, Azərbaycanın maliyyə-iqtisadiyyat strukturları cavabdeh olduqları sahələrin peşəkarlarıdır. Bununla belə bəzi sahələrə daha artıq diqqət yönəldilməlidir. Hər şeydən əvvəl elmin inkişafına diqqət artırılmalıdır. Elmsiz inkişafın gələcəyi yoxdur. Məni xüsusilə Azərbaycan tarix elmi üçün gənc kadrların hazırlanmasının vəziyyəti narahat edir.

İstərdik ki, AMEA-nın istedadlı gənclərinin mənzil-məişət şəraiti yaxşılaşdırılsın və onlar üçün “Gənc alimlər evi”nin tikilməsinə vəsait ayrılsın. Elmi-tədqiqat işlərinin ağırlığı tədqiqatçı alimlərin-elmi işçilərin üzərindədir. Onların əmək haqqı isə arzuolunan səviyyədə deyil. Magistr və doktorantların təqaüdləri artırılmalıdır. AMEA-nın bir çox institutu sovet dövründən qalma binalarda fəaliyyət göstərir”.

Millət vəkili Azərbaycan tarixinə dair kitabların nəşr olunması üçün büdcədən lazımınca vəsait ayrılmasının vacib olduğunu söyləyib:

“Xalqımızın tarixinin öyrənilməsi üçün xüsusi əhəmiyyəti olan AMEA Tarix İnstitutunun cəmi 10-12 otağı var. İnstitutun maddi-texniki bazasını bir sıra qonşu ölkələrin elmi qurumlarındakı vəziyyət ilə müqayisə etməkdə çətinlik çəkirəm. Son illərdə nəşr olunmuş fundamental tədqiqatlar, o cümlədən “Qarabağ: real tarix, faktlar, sənədlər”, “Naxçıvan: tarixi və abidələri” və “İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi” kimi onlarla kitabımız müxtəlif dünya dillərinə tərcümə olunaraq xarici ölkələrdə yayılıb.

Prezident İlham Əliyevin təşəbbüsü, çağırışları və tapşırıqları əsasında son 15 ildə Tarix İnstitutunda 400-dən çox tədqiqat əsəri işıq üzü görüb. Biz istərdik ki, qonşu ölkələrdəki kimi, Azərbaycan tarixçilərinin də normal iş şəraiti olsun”.

Qeyd edək ki, ötən gün Milli Məclisdə 2019-cu ilin dövlət büdcəsi müzakirə edilib.

Tarix
2018.11.07 / 14:40
Müəllif
Büllurə Yunus
Şərhlər
Загрузка...
Digər xəbərlər

Feysbuk və İnstaqram çökdü: Milyonlarla istifadəçi...

İlahiyyat İnstitutunun rektoru: İşimiz çox ağırdır

Kanalizasiyadan nələr çıxır? - “Azərsu” açıqladı

Şəkidə müəllim və şagirdlər zəhərləndi - AQTA-dan açıqlama

Usubov iki jurnalisti mükafatlandırdı - Foto

Binəqədidəki yanğına görə həbs edilən rəis azadlığa çıxdı

Gəncədə dəhşətli partlayış: ölənlərin sayı artdı - Video/23+

Sabah bu ərazidə işıq olmayacaq

Abel Məhərrəmovun milyonluq mülklərinin - Siyahısı

Bakıda bu marşrutun fəaliyyəti dayandırılır

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla