Paytaxtın Yasamal rayonu ərazisində 2 nəfərin velosipedini oğurlamaqda şübhəli bilinən şəxs yaxalanıb.

Axar.az xəbər verir ki, paytaxt sakini, əvvəllər narkotiklə əlaqəli cinayətə görə məhkum olunmuş Xəyyam Məmmədov saxlanılıb.

Sumqayıtda isə ayrı-ayrı vaxtlarda “Volksvagen”, “Toyota”, KİA, “Opel” və “Nissan” markalı 5 avtomobildən pul, mobil telefon və məişət əşyaları oğurlamaqda şübhəli bilinən Sumqayıt şəhər sakini Emin Duduyev saxlanılıb.

Oğurluq etdiyinə görə tutulmuş Ceyhun Ələkbərovun ətrafında aparılmış əməliyyat tədbirləri nəticəsində isə onun şəhər ərazisində 4 avtomobildən məişət əşyaları və akkumulyator oğurlaması müəyyən edilib. İstintaq-əməliyyat tədbirləri aparılır.