Millət vəkili Qənirə Paşayeva Beynəlxalq Qadın tədbiri çərçivəsində Cənubi Koreya, Monqolustan, Norveç və Pakistanın fəal qadınları ilə görüş keçirib.

Axar.az xəbər verir ki, görüşdə münasibətlərin inkişafı üçün böyük prespektivlərin olduğu vurğulanıb.

Görüş zamanı millət vəkili Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı da geniş məlumat verib.

Deputat bütün qadınları, xüsusilə də beynəlxalq aləmdə nüfuzlu qadınları Ermənistanın Azərbaycana qarşı işğalçı siyasətinə laqeyd qalmamağa çağırıb.

Q.Paşayeva Cənubi Koreya, Monqolustan, Norveç və Pakistanın fəal qadınlarına Azərbaycanın tarixi, mədəniyyəti ilə bağlı materiallar hədiyyə edib.