Ana səhifə Toplum |
Yasamal rayonu Abbas Mirzə Şərifzadə küçəsi ilə Bakı Dairəvi-1 avtomobil yolunu birləşdirən yeni yolun çəkiliş işləri hava şəraitindən asılı olmayaraq davam etdirilir.
Bu sözləri Axar.az-a Azərbaycan Avtomobil Yolları Dövlət Agentliyinin mətbuat katibi Anar Nəcəfli sözügedən ərazidə aparılan işlərlə bağlı danışarkən bildirilib. A.Nəcəflinin sözlərinə görə, işlər son mərhələdədir:
“Cəmi 50 metrlik məsafə qalıb. Abbas Mirzə Şərifzadə küçəsinə çıxışda da işlər yekunlaşmaq üzrədir. Hazırda bütün canlı qüvvə, texnika hava şəraitindən asılı olmayaraq ərazidədir.
Bir qədər sonra son asfalt qatının döşənməsi işləri başlayacaq. Düzdür, havanın yağıntılı olması işləri bir qədər ləngidir. Buna baxmayaraq, işlərin vaxtında təhvil verilməsi nəzərdə tutulub. Bu ilin sonunda bu ərazidə gedən işlər tam olaraq yekunlaşacaq. Bu yolun istifadəyə verilməsi sürücülərin Abbas Mirzə Şərifzadə küçəsindən 20 Yanvar istiqamətinə hərəkət etmədən Bakı Dairəvi-1 avtomobil yoluna çıxmaqla həm Sumqayıt şəhəri, həm Biləcəri istiqamətində, həmçinin Bakı-Ələt-Qazax istiqamətində rahat hərəkət etməsinə imkan yaradacaq. O cümlədən də əks istiqamətdə hərəkət mümkün olacaq”.
Tarix
2018.12.19 / 10:12
|
Müəllif
Nigar İxtiyarqızı
|