Ana səhifə Toplum |
Bu gün Azərbaycan Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı İtaliyaya səfərə gedib.
Axar.az DQİDK-nin rəsmi saytına istinadən xəbər verir ki, Azərbaycan – İtaliya Parlamentlərarası işçi qrupunun təşəbbüsü ilə dekabrın 10-da Roma şəhərində Azərbaycan Milli Məclisi və İtaliya Senatı tərəfindən "İslam ənənəli dövlətlərdə dini birgəyaşayış. Müsəlman ölkəsində müxtəlif dinlərin yanaşı mövcudluğu: Azərbaycan təcrübəsi" mövzusunda konfrans keçiriləcək. Dövlət Komitəsinin sədri Mübariz Qurbanlı konfransda "İslam dünyasında dövlət-din münasibətləri: dünyəviləşmə problemi" mövzusunda məruzə ilə çıxış edəcək.
Konfransda Azərbaycan, İtaliya, Papa Dövləti və digər dövlətlərin siyasi və dini qurumlarının, eləcə də Elmi-tədqiqat mərkəzlərinin nümayəndələri iştirak edəcəklər.
Tarix
2014.12.09 / 17:14
|
Müəllif
Axar.az
|