Türkiyəli rejissor Nuri Bilgə Ceylanın "Qış yuxu" filmi 87-ci "Oskar" mükafatını ala bilməyəcək.

Axar.az xəbər verir ki, 87-ci "Oskar" mükafatına uğrunda yarışacaq 9 xarici filmin adı Los-Ancelesdə açıqlanıb.

Açıqlanan adlar arasında "Ən yaxşı xarici film" nominasiyası üzrə namizəd göstərilən Nuri Bilgə Ceylanın Kann Film Festivalında "Qızıl Palma" sahibi "Qış yuxusu" filmi olmayıb.

Xarici filmlər "Oskar"a oktyabrın 1-15-i tarixləri arası təqdim edilmişdi.

"Oskar"da "Ən yaxşı xarici film" nominasiyasında yarışacaq filmlər aşağıdakılardır:

1. "Ağrılı talelər" – rejissor Demian Szifron (Argentina)

2. "Tanqerines" – rejissor Zaza Uruşadze (Estoniya)

3. "Qarğıdalı adası" – rejissor Corc Ovaşvili (Gürcüstan)

4."Timbuktu" – rejissor Əbdürrəhman Sissako (Mavritaniya)

5. "Müttəhim" – rejissor Paula van der Oest (Niderland)

6. "İda" – rejissor Pavel Pavlikovski (Polşa)

7. "Leviafanı" – rejissor Andrey Zvyaginsev (Rusiya)

8. "Fors Major" – rejissor Ruben Östland (İsveç)

9. "Xilaskar" – rejissor Alberto Arvelo (Venesuela)

"Oskar"da yarışacaq bütün namizədlərin adları yanvarın 5-i Los-Ancelesdə Samuel Qoldvin teatrında canlı olaraq açıqlanacaq.

Qeyd edək ki, "Azərbaycanfilm"dən və Mədəniyyət və Turizm Nazirliyindən hələ heç bir açıqlanma verilməsə də "Oskar" mükafatına təqdim edilən "Nabat" filminin də adı adları açıqlanan xarici filmlərin siyahısında yoxdur.

Xatırladaq ki, 87-ci "Oskar" mükafatları gələn il fevralın 22-də Hollivuddakı Dolbi teatrında keçiriləcək mərasimlə sahiblərinə təqdim ediləcək. Mərasim 22 ölkədə canlı olaraq yayımlanacaq.