Neftçilərin Hüquqlarının Müdafiəsi Təşkilatı iki nazirliyi məhkəməyə verəcək.

Bu barədə Axar.az-a Neftçilərin Hüquqlarının Müdafiəsi Təşkilatı sədri Mirvari Qəhrəmanlı məlumat verib.

Hüquq müdafiəçisi qeyd edib ki, hər iki nazirliyə informasiya sorğusu göndərilib. Artıq müddət keçir. İlin sonunadək sorğuya cavab verməsələr, məhkəməyə müraciət etmək məcburiyyətində qalacaq:

"Əmək və Əhalinin Müdafiəsi Nazirliyi yanında Dövlət Əmək Müfəttişliyinə ölkənin neft sektorunda ölüm hadisələrinin sayı ilə əlaqədar, Ekologiya və Təbii Sərvətlər Nazirliyinə isə hasilat sənayesində fəaliyyət göstərən şirkətlərin ətraf mühitə vurduqları ziyanla əlaqədar sorğu ünvanlamışıq. Sorğunu dekabrın 8-də göndərmişəm. Qanuna əsasən, 7 iş günü müddətində cavab verməlidirlər. Hələ cavab yoxdur".