Ana səhifə Toplum |
Lerikdə baş verən tükürpədici qətlin səbəbləri üzə çıxıb.
Axar.az-a bölgədən verilən məlumata görə, Cəmaləddin Surətovun qayınanası Lalə və arvadı Məhsətini öldürəcəyini qabaqcadan ehtimal etmək olardı.
Belə ki, Sumqayıtda işləyən C.Surətov hadisədən əvvəl rayona gələrək həyat yoldaşını döyüb, ondan uşaqları ilə birlikdə evə qayıtmasını tələb edib. Məhsəti isə atası evindən dönməyib və Cəmaləddin əsəbi şəkildə Sumqayıta qayıdıb.
Bir neçə gün sonra Surətov yenidən Lerikə qayıdıb və arvadından
bir daha evə dönməyi tələb edib. Bu dəfə də inadından dönməyən
arvadla ər arasında mübahisəyə qayınana da qarışıb. Nəticədə
kürəkən hər ikisini öldürüb. O, qətli "Vinçester" markalı ov
tüfəngi ilə törədib. Bu hadisəyə qədər isə kürəkən qayınatasından
evə gəlməyi və məsələni müzakirə etməyi istəyib. Qayınatası isə
imtina edib və ona evə getməyi məsləhət görüb.
Surətov cinayəti törətdikdən sonra qayınatasına "indi get, səni
orada gözləyirlər" deyərək ərazini tərk edib və doğulduğu evdə
intihar edib.
25 yaşlı qadınla 33 yaşlı Cəmaləddinin 4 yaşlı oğlu və 3 aylıq qızları qalıb. Ailənin böyük övladı - 4 yaşlı oğlu ağır halda Lənkəran Mərkəzi Xəstəxanasına gətirilib. Reanimasiya şöbəsinə yerləşdirilən körpənin vəziyyəti ağırdır. Uşağın nə səbəbdən ağır xəsarət aldığı isə hələlik bəlli deyil.
Sürətov Cəmaləddinin atası rayon təhsil şöbəsinin müdir müavinidir və o, gəlinindən heç vaxt narazı olmadığını deyib. Qətlə yetirilən 25 yaşlı Məhsəti Sürətova Lənkəran Dövlət Universitetinin filologiya fakültəsində təhsil alıb. Cəmaləddin Sürətov da ali təhsilli iqtisadçıdır.
Xatırladaq ki, Goranboyda 7 nəfəri yer üzündən silən Rafiq Hüseynov da arvadı və qayınanasını məhz bu səbəbə görə öldürmüşdü. Arvadını döydükdən sonra atası evindən qayıtmayan gəlin mübahisənin qurbanı olmuşdu. Evə qumbara atan qatil biri körpə olmaqla 7 nəfərin həyatına son qoymuşdu. Bir müddət sonra onun qardaşı intihar etdi, atasının ürəyi dayandı.
Tarix
2014.12.24 / 21:30
|
Müəllif
Emin Aslanlı
|