Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Dekabr 2017


İşdən çıxarılan direktor hələ də rəhbərlik edir

Ana səhifə Toplum
12 Punto 14 Punto 16 Punto 18 Punto

Ardı-arası kəsilməyən şikayətlərdən sonra işindən azad edilən Respublika İncəsənət Gimnaziyasının direktoru Mahuzər Şabanbəyova haqqında maraqlı fakt ortaya çıxıb.

Gimnaziya işçisinin Axar.az-a verdiyi məlumata görə, 69 yaşlı M.Şabanbəyovanın işdən öz xahişi ilə azad edilməsi ilə bağlı deyilənlər həqiqəti əks etdirmir.

Saytımıza dəfələrlə haqqında şikayət məktubları daxil olan direktor barədə danışan mənbə iddia edir ki, M.Şabanbəyova işdən çıxması ilə bağlı ərizəni öz təşəbbüsü ilə yazmayıb. Ona ərizə yazması təklif olunub və bundan sonra onun əmri verilib. Daha sonra M.Şabanbəyovanın qeyri-rəsmi "işlərini" həll edən Umnisə Nəcəfbəyova müvəqqəti olaraq direktor təyin edilib. U.Nəcəfbəyova uzun müddətdir ki, bu məktəbdə çalışır.

M.Şabanbəyovanın işinə xitam verildikdən sonra Milli Konservatoriyanın rektoru Siyavuş Kərimi İncəsənət Gimnaziyasına gəlib və U.Nəcəfbəyovanı direktor kimi təqdim edib.

Mənbə qeyd edir ki, S.Kərimi işinə xitam verilən M.Şabanbəyova haqqında da danışıb. O, keçmiş direktorun qiymətli kadr olduğunu və işdən çıxarılmayacağını açıqlayıb və təhsil ocağının yeni direktoru ilə eyni otaqda çalışacağını bildirib.

Xatırladaq ki, Milli Konservatoriyanın tərkibində olan Respublika İncəsənət Gimnaziyasının direktoru M.Şabanbəyova işindən azad edilib. Bu barədə Lent.az-a Təhsil Nazirliyinin mətbuat xidmətindən bildirilib.

Məlumatda deyilir ki, M.Şabanbəyova martın 6-da öz ərizəsi ilə işdən azad edilib. Onun vəzifəsinin icrası təhsil müəssisəsinin ibtidai sinif rəhbəri Umnisə Nəcəfbəyovaya həvalə olunub. Yaxın günlərdə isə İncəsənət Gimnaziyasına direktor təyin olunacaq.

Bildirək ki, yeni dərs ilinin başlaması ərəfəsində Axar.az-a Respublika İncəsənət Gimnaziyasının direktoru haqqında daxil olan şikayət məktubunda onun gimnaziya ilə maraqlanmadığı, məktəbdə problemlərin olmasına baxmayaraq, Türkiyəyə istirahətə getdiyi bildirilirdi.

Tarix
2015.04.01 / 16:06
Müəllif
Nigar İxtiyarqızı
Şərhlər
loading...
Digər xəbərlər

Məktəblər nazirliyin qərarına əməl etmir - Ekspert

“Fuad Türkiyəni qoruduğu üçün türklər onu işdən qovdu”

Xaricə daha ucuz necə getmək olar? - Siyahı

Mehriban Əliyeva təltif edildi

İlham Əliyev Qətər əmirini təbrik etdi

Zakir Həsənov iclas keçirdi - Foto

Rusiyada azərbaycanlı qardaşını güllələdi

DİN-dən uğurlu əməliyyat: 43 cinayətin üstü açıldı

Dələduz “polkovnik” həbs edildi - Video

Diqqət: Bakıda bu yol bağlanır

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla