Ana səhifə Toplum |
Feysbuk sosial şəbəkəsində mənim adıma açılan hesabların heç birinin mənə aidiyyəti yoxdur.
Bu sözləri Məşhədi Dadaş məscidinin axundu, ilahiyyatçı Hacı Şahin Həsənli Feysbuk sosial şəbəkəsində "Sonuncu vaqona ancaq qadınlar minsin!" kampaniyası ilə bağlı Axar.az-a danışarkən deyib:
"Nə Feysbuk şəbəkəsindəki hesablar, nə də həmin fikir mənə aiddir. "Sonuncu vaqona minməyin" adı ilə başladılan kampaniya məsələsinin isə o şəkildə qoyulmasını düzgün hesab etmirəm. Biz bu şəkildə bütün ölkəyə müraciət edə bilmərik ki, axırıncı vaqona minməyin. Bunu bu şəkildə həll etmək mümkün deyil və bu kampaniya şəklində olmamalıdır.
Bir neçə ölkədə, hətta Yaponiyada da bu təcrübə var. Onlar isə yəqin bu prosesi hansısa şəkildə tənzimləyir. Onu insanların öz ixtiyarına buraxmaqla alınan bir şey deyil.
Mən bu məsələ ilə razılaşmıram və fikrimcə, məsələnin bu şəkildə qoyulması doğru deyil".
Qeyd edək ki, bu gün Feysbuk sosial şəbəkəsində metroda sonuncu vaqona yalnız qadınların minməsi ilə bağlı kampaniya başladılıb.
Tarix
2015.11.02 / 16:12
|
Müəllif
Natiq Azəri
|