Ana səhifə Toplum |
Dekabrın 10-u, saat 9.00-da, Daxili İşlər naziri, general-polkovnik Ramil Usubov tərəfindən sıra baxışı keçiriləcək.
Axar.az xəbər verir ki, baxış paytaxtın Nobel prospekti 69 ünvanında yerləşən Çevik Polis Alayında olacaq.
Məqsəd Bakı şəhər Baş Polis İdarəsinin tabeçiliyində olan orqan və hissələrdə vakant olan sıravi və kiçik rəis heyəti vəzifələrində xidmətə qəbulla bağlı baxış keçirməkdir.
Sıra baxışında yalnız Bakıda yaşayış yeri üzrə daimi qeydiyyatda olan, "Azərbaycan Respublikasının daxili işlər orqanlarında xidmət keçmə haqqında" Əsasnaməyə uyğun olaraq yaşı 20 ilə 25 arasında, boyu 175 santimetr və daha yüksək, idman cüssəli, həqiqi hərbi xidmət keçmiş, özü və yaxın qohumları məhkum olunmamış, ali və ya orta-ixtisas, yaxud tam orta təhsilli, Azərbaycan Respublikasının kişi cinsli vətəndaşları iştirak edə bilərlər.
Qəbula gələnlər şəxsiyyət vəsiqəsini təqdim etməlidirlər.
Müsabiqəyə Bakı şəhər Baş Polis İdarəsinin tabeçiliyində olan post-patrul xidməti nizami hissələri üzrə 135 vəzifə elan edilir. Xarici dil bilən və emosional dayanıqlı vətəndaşlara üstünlük veriləcək.
Tarix
2015.11.05 / 17:44
|
Müəllif
Nigar İxtiyarqızı
|