Ana səhifə Toplum |
Bakubus MMC sərnişinlərə xidmət göstərən marşrutlarının istifadəsi zamanı sərnişinləri diqqətli olmağa çağırıb.
MMC-dən Axar.az-a verilən məlumata görə, bəzi sərnişinlər marşrutları dayanacaqlardan kənarda saxlatdırmaq üçün avtobusun içindəki düymələrdən istifadə edirlər. Bu da avtobusun hərəkətinə mane olur və yolda təhlükə yaradır.
"BakuBus" bu məqsədlə sərnişinlərə müraciət edərək bildirir:
"Əziz sərnişinlər, avtobuslarımızda qapının üzərində qəza düyməsi olur. O düymə basılanda qapılar avtomatik sıxılaraq açılır. Və açıq olduğu müddətdə sürücü avtobusu hərəkətə gətirə bilmir. Bəzi sərnişinlərimiz sürücünün dayanacaqdan kənar saxlamadığını gördüklərində, avtobus işıqforda dayandığı zaman o qəza düyməsindən istifadə edərək qapıları açmağa müvəffəq olurlar.
Avtobusun hansısa qapısı açıldığı zaman sürücü onu hərəkətə gətirə bilmir. Sürücü bu məqamda məcbur olub aşağı düşərək qapını əvvəlki vəziyyətinə bərpa edir. Nəticədə həm vaxt itkisi, həm təhlükə, həm də arzuolunmayan mübahisə yaranır.
Diqqətli olaq".
Tarix
2015.11.06 / 13:40
|
Müəllif
Nigar İxtiyarqızı
|