Ana səhifə Toplum |
Nəqliyyat naziri Ziya Məmmədov Ağdaşda 3 rayonun sakinləri ilə görüşüb.
Nazirlikdən Axar.az-a verilən məlumata görə, vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziri Ziya Məmmədov bu gün Ağdaş rayonunun Heydər Əliyev Mərkəzində Ağdaş, Ucar və Göyçaydan olan 30-dək vətəndaşı qəbul edib.
Qəbula gələn vətəndaşların müraciətləri əsasən avtomobil yollarının yenidən qurulması, yeni avtobus marşrutlarının açılması, yollarda cari təmir işlərinin aparılması, işə qəbul və digər məsələlərlə bağlı olub.
Nazir Z.Məmmədov vətəndaşların səsləndirdikləri müraciət və şikayətlərlə əlaqədar nazirliyin struktur rəhbərlərinə göstərişlər verib. Nazirliyin səlahiyyətlərinə aid olmayan məsələlər isə müvafiq qurumlara çatdırılmaq üçün qeydiyyata alınıb.
Tarix
2015.11.06 / 14:46
|
Müəllif
Nigar İxtiyarqızı
|