Bu gün Bakıda 9 noyabr - Dövlət Bayrağı günü qeyd olunub.

Axar.az xəbər verir ki, Təhsil Nazirliyi bayraq yürüşü keçirib.

Dövlət himninin səsləndirilməsi ilə başlayan yürüş Azneft meydanından Dövlət Bayrağı Meydanınadək davam edib.

Yürüşdə təhsil nazirinin müavini Ceyhun Bayramov, deputatlar, ali məktəb rektorları, çoxsaylı tələbə və şagirdlər iştirak edib.

Eyni gündə Nazirlər Kabineti yanında Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyasının birgə təşkilatçılığı ilə veloyürüş keçirilir.

"Bayrağımız - qürur mənbəyimizdir!" devizi altında keçirilən ənənəvi veloyürüş Dövlət Bayrağı Meydanından start götürüb.

İştirakçılar Bayraq Meydanı - Azneft prospekti - Dəniz limanı - Heydər Əliyev Mərkəzi və əksinə istiqamətdə hərəkət edəcəklər. 16,5 kilometrlik yürüş elə başladığı yerdə - Dövlət Bayrağı Meydanında başa çatacaq.