Tərtər və Bərdə rayonunda piyadanı maşın vurub.

Axar.az xəbər verir ki, Tərtər sakinini traktor vurub. Yaralanan Novruzov Məhərrəm Həsən oğlu ilkin olaraq Tərtər Rayon Mərkəzi Xəstəxanasına aparılsa da, vəziyyəti ağır olduğundan Bərdə Rayon Mərkəzi Xəstəxanasına göndərilib.

"Report"un məlumatına görə, hadisənin təfərrüatları araşdırılır.

Piyadanın vurulması ilə nəticələnən digər yol qəzası isə Bərdədə baş verib. Qəzada "BMW" markalı avtomobil yolu keçmək istəyən qadını vurub.

Nəticədə rayon sakini İbrahimova Minayə İsmayıl qızı bədən xəsarətləri alıb. Yaralı xəstəxanaya yerləşdirilib.

Hadisə ilə bağlı Bərdə rayon Polis şöbəsində araşdırma aparılır.