Kürdəmirdə səkkiz nəfərin xəsarəti ilə nəticələnən yol qəzası baş verib.

Axar.az APA-ya istinadla xəbər verir ki, hadisə gecə saatlarında Kürdəmirin Qarabucaq kəndindən keçən hissəsində qeydə alınıb.

Göyçay sakini, 46 yaşlı Elşad Əzizovun idarə etdiyi "Mersedes" markalı sərnişin mikroavtobusu ilə Gəncə sakini, 34 yaşlı Şahzadə Qasımovun idarə etdiyi mikroavtobus toqquşub.

Nəticədə hər iki sürücü və sərnişinlərdən Göyçay sakinləri 46 yaşlı Asudə Hacəli qızı Əzizova, 23 yaşlı Günel Elşən qızı Əzizova, 74 yaşlı Allahverən Şıxəli oğlu Əzizov, Gəncə sakini 28 yaşlı Niyaməddin Sammədin oğlu Quliyev, Sabirabad sakini, 20 yaşlı Yusif Salman oğlu Raminli və Şirvan sakini, 20 yaşlı Rəfail Ələkbər oğlu Abdullayev müxtəlif bədən xəsarətləri ilə Kürdəmir Rayon Mərkəzi Xəstəxanasına çatdırılıblar.

Faktla bağlı Baş Dövlət Yol Polisinin İstintaq və Təhqiqat şöbəsində araşdırma aparılır.