Ana səhifə Toplum |
Bu il yerli turislərin ən çox üz tutduğu yer Quba olub.
Bakı Beynəlxalq Avtovağzalından Axar.az-a daxil olan məlumata görə, bayram ərəfəsində biletlərin satışı ən çox Quba istiqamətində həyata keçirilib. Bayram günləri də daxil olmaqla hər gün 07:30-dan axşam saat 17:40-a qədər mövcud reyslər fəaliyyət göstərib.
Uğurlu yerləşmə mövqeyinə və zəngin infrastrukturuna görə Quba rayonu turistlərin ən sevimli yerlərindən biridir.
Rayonun ərazisində dəniz səviyyəsindən 2500 metr yüksəklikdə yerləşən unikal dağ kəndi Xınalıq mövcuddur. Kəndin əhalisi öz dili ilə ayrıca etnoqrafik qrup təşkil edir. Xınalığın yaxınlığında bənzəri olmayan daha bir dağ kəndi Qrız yerləşir.
Qeyd edək ki, bayramı Qubada keçirənlər sırasında millət vəkili Vahid Əhmədov da var.
Tarix
2016.01.03 / 10:25
|
Müəllif
Fatimə İbrahimova
|