Bakı şəhərində yataqxana binasında yanğın hadisəsi baş verib.

Fövqəladə Hallar Nazirliyinindən Axar.az-a verilən məlumatda bildirilir ki, Nizami rayonunda beşmərtəbəli yataqxana binasının 2-ci mərtəbəsində vətəndaşa məxsus ümumi sahəsi 15 kv.m olan mənzilin yanar konstruksiyaları və 3-cü mərtəbədə yaşayan digər vətəndaşa məxsus mənzilin eyvanında quraşdırılmış kondisionerin mühərrik hissəsi yanıb.

Yanğın zamanı mənzillərdən 20 nəfər sakin yanğınsöndürənlər tərəfindən təxliyyə olunub.

Mənzildən 1 ədəd 5, 1 ədəd 40 litirlik maye qaz balonları və digər mənzillər yanğından mühafizə olunub.

Yanğın saat 15:55-də yanğınsöndürənlər tərəfindən söndürülüb.