Dövlət Sosial Müdafiə Fondunun fərdi uçot sistemində qeydiyyatda olan sığortaolunanların sayı 6,84 faiz artıb.

Bu barədə Axar.az-a Fonddan məlumat verilib.

Yanvarın 1-nə olan statistikaya əsasən, 2015-ci ildə Fond tərəfindən əlavə olaraq 203 836 sığortaolunana fərdi şəxsi hesab açılıb. Beləliklə də, fərdi şəxsi hesabı olan sığortaolunanların sayı 3 180 154 nəfərə yüksəlib.

Fondun fərdi uçot sistemində qeydiyyatda olan sığortaolunanların 59,2 faizi (1 882 800 nəfər) kişi, 40,8 faizi (1 297 354 nəfər) isə qadındır. Fərdi şəxsi hesabı olanlar arasında 30-40 yaş aralığında olan sığortaolunanlar üstünlük təşkil edir.