Ana səhifə Toplum |
Onlar butulka satmaqla ailə dolandırırdılar.
Bu sözləri Axar.az-a qardaşı Faiq Xəlilov tərəfindən qətl yetirilən Məlik Xəlilovun qonşuları deyib. Qonşuların sözlərinə görə, bu ailədə kiçik münaqişələr tez-tez baş verirmiş:
"Ailədə ana yaşlı qadındır, ataları rəhmətə gedib. Üç qardaş, bir bacıdırlar. Hadisənin qurbanı və cinayəti törədən Faiq çox vaxt içkili olardı. Eşitdiyimizə görə, sonuncu dəfə xırda məişət söhbətində sözləri üst-üstə düşməyib və bu hadisə baş verib".
Qeyd edək ki, hadisə paytaxtın Sabunçu rayonu ərazisində, İlyas Aslanov küçəsində baş verib. Məlik Xəlilov Ağarəhim oğlu qardaşı tərəfindən qətlə yetirilib. Qətlin tərəflərin sərxoş vəziyyətdə olarkən baş verdiyi bildirilir.
Ürəyindən bıçaq xəsarəti alan Məlik Xəlilovun həyatını xilas etmək mümkün olmayıb. Hadisəni törətməkdə şübhəli bilinən qardaş saxlanılıb. Faktla bağlı Sabunçu Prokurorluğu tərəfindən cinayət işi başlanıb, istintaq gedir.
Tarix
2016.01.19 / 12:30
|
Müəllif
Fatimə İbrahimova
|