"Qanun" Nəşrlər Evi bəyanat yayıb. "
Musavat.com"un nəşriyyatın
"feysbuk" səhifəsinə istinadən verdiyi məlumata görə, bəyanatda
deyilir:
"Bəzi media vasitələri "QANUN nəşriyyatının fəaliyyəti
dayandırıldı!" deyə məlumat yayıb. Bəyan edirik ki, bu məlumat
həqiqətə uyğun deyil. Nəşriyyat fəaliyyətini davam etdirir. Birinci
gündən hər kəs iş başında olacaq. Vergi əməkdaşlarının
redaksiyamızdakı əməliyyat-axtarış tədbirləri ilə bağlı isə ətraflı
məlumat verəcəyik".
Xatırladaq ki, noyabrın 1-də Vergilər Nazirliyinin 20-ə yaxın
əməkdaşı "Qanun" Nəşrlər Evinə gələrək vergi yoxlaması adı altında
qurumun xeyli sənədini və avadanlığını, o sıradan bilgisayarları
aparıb. Bu səbəbdən "Qanun" Nəşrlər Evinin işində fasilə
yaranıb.