Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Dekabr 2018


Astan Şahverdiyev dünən onları da öldürdü

Ana səhifə Yazarlar
12 Punto 14 Punto 16 Punto 18 Punto

Deputat Astan Şahverdiyev vəfat etdi. Ancaq ötən gün gördüm ki, vəfat edən təkcə deputat Astan Şahverdiyev deyil, həm də insan taleyinə olan həssaslığımızdır.

Aydındır, Astan Şahverdiyev ömrünün 70-ci ilində ya vəlvələdən, ya zəlzələdən yanlış bir ifadə işlətmişdi. Buna görə hər kəsin (şəxsən mənim də) haqlı iradı ilə üzləşdi. Daha sonra isə fikrini yanlış ifadə etdiyini, peşman olduğunu dəfələrlə deyərək, üzr istədi.., ötən gün isə dünyasını dəyişdi.

Deməyim o ki, Astan Şahverdiyevin ömrü dayandı, toplumun ona yönəlmiş təhqir yağışı dayanmadı. İndi nəinki mərhumun, hətta ailəsinin də ünvanına küçə söyüşləri söymək hansı əxlaqa sığır? Onun şüursuz şəkildə “otxod” deməsi böyük cinayətdir, yoxsa toplumun şüurlu şəkildə onu, ailəsini o dünyasını dəyişəndən sonra küçə sözləri ilə söyməsi? Biz nə vaxt bu qədər amansızlaşdıq?

Astan Şahverdiyev sadəcə bir nümunədir. Ölünü söyməklə bağlı analoji vəziyyət müğənni İlhamə Quliyeva öləndə də müşahidə olundu. Bütün gün İlhamənin mahnılarını dinləyənlər onun qəbrini, ölüsünü-dirisini söydülər. İlhamə Quliyeva demişkən, bu toplum millətə “çuşka”, “acından ölən” deyənləri 2 gün sonra 10 min verib toya çağıran cəmiyyətdir. Yəni bu qədər unutqan bir toplumun bu qədər kinli olması da qəribə bir paradoksdur.

Konstitusiya qanunlarını çıxmaqla, insanlarımız 3 əsas “qanunlar toplusu” ilə yaşayır: dini qanunlar, oğru dünyasının qanunları və yazılmamış fərdi qanunlar.

İndi gəlin, bu 3 kateqoriyanın sözügedən məsələ ilə bağlı “qanunlar toplusu”na baxaq.

Fərdi qanunlar

Özü üçün fərdi həyat qanunları müəyyən etmiş istənilən şəxs və ya ateist, nihilist, buddist bir şəxsə qarşı mübarizəsini yalnız bir yerə qədər aparır – o şəxs məğlub olana qədər. Daha oturub, məğlub-ölü rəqibinin yeddi arxa dönəni, səkkiz gedib qayıtmayanını söymür.

Kriminal aləm

Əksəriyyətin barmaqarası yanaşdığı “oğru dünyası”nda belə, kimliyindən asılı olmayaraq, ölən insanı təhqir etmək yanlış hesab edilir.

(Ötən gün gördüm ki, bizim toplumun hətta oğru dünyasından belə götürəcəyi bəzi mənəvi keyfiyyətlər var).

Din

Peyğəmbərin ölüləri söyməklə bağlı hədisi var. Hədisdəki “söyməyin” sözü ölünün xoşa gəlməyən əməllərini açıb tökməklə onun xeyirsiz biri olduğunu ortaya qoymaqdır. Ölüləri bu cür anmaq hədislə qadağan olunub.

Yekun: Hər üç sinfin sözügedən məsələ ilə bağlı öz “qanunları” var. Yəni bu toplum, əslində, ölüyə hörmət məsələsində yüksək həssaslıq nümayiş etdirməlidir.

Amma etdirmir. Səbəb nədir? Səbəb odur ki, biz nə sevgimizdə səmimiyik, nə də nifrətimizdə. Ya da başqa bir paradoks ifadə ilə deyim: biz bir-birimizə səmimi-qəlbdən nifrət edirik. Qərb dünyası yadplanetlilərlə dil tapmağa çalışır, biz isə bu balaca ölkədə eyni dildə danışsaq da, bir-birimizi başa düşə bilmirik.

Müdirinə əsəbiləşib bir-birini qıran sərnişinlərlə eyni avtobusdayıq. Gün gələcək, bu davaya sürücü də qoşulacaq və sükan sahibsiz qalacaq. Onda qəzaya uğrayıb sonu görünməyən uçuruma yuvarlanacağıq.

Tarix
2018.04.16 / 13:07
Müəllif
Aqşin Evrən
Şərhlər
Загрузка...
Digər xəbərlər

Dünyada ilk onluğa düşən, Nobel alan azərbaycanlı qadın

İsrail-Bakı dostluğundan Türkiyə narahatdır? – İNSAMER-ə cavab

İstanbul derbisi bitdi: "Beşiktaş" qalib gəldi

Avropanı şok edən olay: 9 türk 90 minlik orduya qarşı

Şahda "yeni qan" kəşf edən professora...

Pakistanın azərbaycanlı baş naziri – Məşhur ailə

“Arsenal” klubundan Azərbaycana jest - Foto

Elnarədən kitab yazan erməninin titulları alındı - Video

Bu binalarda yaşayanlar 100 manat ödəsin - MM-də təklif

MM-də müzakirə: Bu şəxslər sərt şəkildə cəzalanacaq

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla