"Bir abzas - yeddi rəng" layihəsində: Birinci rəng -
Ağ
Bu, "Bir abzas" layihəsidir.
Zaman-zaman müraciət edilən formaya biz də qayıtdıq. Əsas hədəf
isə: bir romanı, hekayəni, pyesi, dramı, müəllifi... bir abzasa
sığdırmaq bacarığıdır.
Yazıçı Kamal Abdulladan başladıq. Çünki Kamal Abdullanın
müxtəlif illərdə yazdığı hekəyələrindən ibarət möhtəşəm toplu
yenicə işıq üzü görüb.
Beləliklə:
Yazar Qan Turalı:
– Kamal Abdulla Azərbaycan ədəbiyyatının keyfiyyətcə
yeni mərhələsinin lokomotividir. Mən özüm bu mərhələnin bir parçası
olmağımla fəxr edirəm. Bu mərhələ vulqar realizm mərhələsini inkar
edərək, ədəbiyyata yeni forma və məzmun gətirib. Azərbaycan
ədəbiyyatının müstəqillik illərində düşdüyü ideyasızlıq mühitində,
kütləvi ətalətdə ən parlaq əsərləri Kamal Abdulla yazdı. Əminəm ki,
Azərbaycan ədəbiyyatının gələcəyi Kamal Abdulla estetikasının
dominantlığı ilə səciyyələnəcək.
P.S. Kamal Abdullanın hekayələrindən ibarət
"Sirri–Zəmanə" kitabını"Kitab Klubu" (Mustafa Sübhi 13), "Bukinist"
(İstiqlaliyyət küç. 69H), "Kitabevim.az" Kitab Evi ("AK Center",
2-ci mərtəbə), "Əli və Nino" kitab dükanlarından, "Bayatı" kitab
satış mərkəzindən, "Xan Xəzinəsi" kitab dükanlarından, "Papirus"
Kitab Evindən əldə etmək olar.