Prezident İlham Əliyevin tapşırığına əsasən, Bərdənin qazlaşdırılması prosesi sürətlə davam edir.

Axar.az xəbər verir ki, açılış mərasimini millət vəkili Zahid Orucun etdiyi Mehdili kəndində 325 ailə qazla təmin olunub.

Deputat çıxışında Qarabağ məsələsindən söz açıb:

"Cəbhə xəttinin bir neçə kilometrliyində yerləşən kəndlərdə növbəti açılış mərasimləri təkcə obalarımızı qurmaq və yaratmaq siyasətinin deyil, eyni zamanda, ön səngərdə dayanan əskərin söykəndiyi dayaqları möhkəmləndirmək üçündür. Çünki ordu xalqa söykənəndə daha da güclü olur. Düşmənlə vuruşmaq üçün tank və toplarla yanaşı, abad və rifah içində yaşayan xalq formalaşdırmaq da hər bir dövlətin başlıca qayəsidir. Artıq hər kəsdə dərin və mütləq bir inam var ki, Ali Baş Komandanın rəhbərliyi altında Azərbaycan öz ərazi bütövlüyünü, Qarabağada sülh və əmin-amanlığı bərpa edəcək".