İran virtual məkanda oynanılan canlı "Pokemon Qo" oyununa tam qadağa qoyub.

Axar.az xəbər verir ki, İran İslam Respublikası bu oyunu tam dayandıran ilk ölkə olub. İran bunu təhlükəsizlik tədbirləri ilə əlaqələndirib.

Qadağa İran virtual şəbəkəsinin Ali Şurası tərəfindən tətbiq olunub. "Pokemon Qo" oyununun əsas təhlükəsinin nədən ibarət olması barədə isə heç bir məlumat verilməyib.

Qeyd edək ki, İsrail hökuməti bir müddət əvvəl dövlət sirlərinin sızmaması üçün "Pokemon Qo" oyunun dayandırılmasının vacibliyini bildirmişdi. İndoneziyada isə "Pokemon Qo" oyununa məhdudiyyətlər ancaq xidmətdə olan zabitlər üçün tətbiq olunub.