İngiltərənin "San" qəzeti Feysbuku "nömrə oğurluğunda" ittiham edib.

Axar.az xəbər verir ki, qəzet sosial şəbəkəni istifadəçilərin telefon nömrələrini onların razılığı olmadan üçüncü tərəfə verməkdə günahlandırır.

Qəzet bəzi istifadəçilərin bu barədə şikayətləndiyini yazıb. Telefon nömrələrini Feysbuk ilə bölüşməyən istifadəçilər də öz telefonlarının profillərinə əlavə edildiyini aşkar ediblər.

Bu, onlarda Feysbukun nömrələri haradan aldığı barədə ciddi sual doğurub. İstifadəçilər hiddətlərini Tvitterdə paylaşmaqda davam ediblər.

Ey Feysbuk!

Bir istifadəçi yazır: "Ey Feysbuk, sən mənim telefon nömrəmi hardan almısan? Mən nömrəmi sənə verməmişəm. Lənətə gələsən, mənim telefonumu heç kəsə vermə!"

Başqa bir istifadəçi isə bu işdə hətta Quqlun barmağı olduğunu iddia edib.

Feysbuk məsələyə münasibət bildirərək heç bir istifadəçinin nömrəsinin oğurlanmadığını deyib:

"Biz sizdən öz nömrənizi əlavə etməyinizi istəyəndə, görürsünüz ki, nömrə avtomatik olaraq ekrana çıxır. Ola bilsin ki, nömrə sizin telefonunuzda və planşetinizdə olub. O da ola da bilər ki, siz öz nömrənizi bizə keçmişlərdə versəniz də təsdiqləməmisiniz".