Almaniyanın avtomobil istehsalçısı “Volksvagen” 2025-ci ildə Avropada ən çox elektrik avtomobili satan şirkətə çevrilib. Rəqəmlər Volfsburqda yerləşən avtomobil istehsalçısının “Tesla” şirkətini lider mövqeyindən sıxışdıra biləcəyini göstərir.

Axar.az xəbər verir ki, bu barədə Almaniyanın "Tagesschau" portalı məlumat yayıb.

Məlumatlara görə, “Volksvagen” ötən il 274.278 elektrik avtomobili satıb. Bu rəqəm 2024-cü ildən 56% çoxdur. Qeyd olunan nəticə əsasən ID.7 orta ölçülü elektrik avtomobili də daxil olmaqla, yeni “Volksvagen” modellərinin satışı hesabına əldə edilib.

"Tesla" şirkətinin isə Avropadakı satışları 2024-cü illə müqayisədə 2025-ci ildə 27% azalıb.