Almaniyanın avtomobil istehsalçısı BMV yanğın riski səbəbindən dünya miqyasında müxtəlif modellərdə bir neçə yüz min avtomobili geri çağırır.

Axar.az xəbər verir ki, bu barədə Almaniyanın Federal Avtomobil Nəqliyyatı İdarəsinin (Kraftfahrt-Bundesamt, KBA) məlumatında deyilir.

Bildirilib ki, dünya miqyasında geri çağırılma 9 iyun 2022-ci il ilə 5 dekabr 2025-ci il arasında istehsal olunmuş 337,374 ədəd i5, i7, M5, həmçinin 5 və 7 seriyalarını əhatə edəcək.

Almaniyada isə 29,441 avtomobil geri çağırılacaq.

Qeyd edək ki, bundan öncə dünya brendi 575 min avtomobilin yanğın təhlükəsi səbəbindən geri çağırılması barədə məlumat yaymışdı.