"Əpl" şirkəti Ayfon-7 və Ayfon-7 Plus smartfonlarını təqdim edib.

Axar.az xəbər verir ki, Ayfon-7-nin arxa kamerası 12, ön kamerası isə 7 meqapikseldir. Yeni Ayfon smartfonları su və toz keçirməzdir.

Bundan başqa, ilk dəfə olaraq Ayfon smartfonları stereodinamiklərlə təchiz edilib, həmçinin "AirPods" adlı simsiz qulaqlıqlar hazırlanıb.

Aparatın qrafikası Ayfon-6 ilə müqayisədə 3 dəfə, Ayfon-6S ilə müqayisədə isə 50 faiz sürətləndirilib. Bu smartfon tarixində ilk dəfə ən uzunmüddətli işləyən batareya ilə təchiz edilib.

Qeyd edək ki, sentyabrın 16-sından satışa çıxarılacaq Ayfon-7 modelinin başlanğıc qiyməti 649, Ayfon-7 Plus isə 769 dollardır.