Ayfon-7-nin (iPhone 7) təqdimat mərasimi sentyabrın 9-da ABŞ-ın San Fransisko ştatında baş tutub.

Yeni smartfonlar "IPx7" standartı ilə toz və nəmdən mühafizə olunur və suyun altında yarım saata qədər qala bilir. SİM-kartdakı rezin təbəqə bunu sübut edir.

Telefonun fotolarında iki moduldan ibarət yeni işıq diodu da görünür. Yenilənmiş "True Tone" texnologiyası sayəsində kifayət qədər işıqlandırma olmayan məkanlarda daha dəqiq balans əldə etmək mümkün olacaq.

Yeni fotolar başqa bir informasiyanı da təsdiqləyir: Ayfon-7 4K formatında saniyədə 60 kadr tezliyi ilə video çəkə biləcək ilk smartfondur.

Ayfon-7 modeli demək olar ki, Ayfon 6 ilə eyni görünüşə malikdir. Əsas fərqi isə nisbətən sadə dizaynı və arxasında olan antena xətlərinin yoxa çıxmasıdır.

Sadəcə, böyük Ayfon-7 modelində gözlənilən bu kamera ilə siz böyüdülmüş şəkil imkanı əldə edirsiniz. Bəzi rəqiblər tərəfindən istifadə olunan bu xüsusiyyətlə çəkilən şəkillərdə dəqiqliyi artırmaq mümkün ola bilər. Standart ölçülü Ayfon-7 modelində əlavə kamera olmasa da, kamera xüsusiyyətlərində bir sıra yeniliklər var.

Ən çox gözlənilən və arzu olunan yeniliklərdən olan daxili yaddaş dəyişikliyi çoxlarını sevindirir.

Baku.vs-nın verdiyi xəbərə görə, Əplın yeni telefonlarının qiymətləri fərqlidir və aşağıdakı kimidir:

Ayfon-7 32 GB - $ 1250 (2046 AZN)

Ayfon-7 128 GB - $ 1500 (2455 AZN)

Ayfon-7 256 GB - $ 1750 (2864 AZN)

Ayfon-7 Plus 32 GB - $ 1550 (2537 AZN)

Ayfon-7 Plus 128 GB - $ 1700 (2782 AZN)

Ayfon-7 Plus 256 GB - $ 1800 (2946 AZN)

Əməkdaşımız şəhərdəki mobil telefon mağazalarında yeni Ayfon telefonlarının satışı ilə maraqlanıb. "İrşad Telecom"dan Yeni Müsavat-a bildirilib ki, hələlik onlarda satışda Ayfon yoxdur. Bu ayın sonlarında yeni buraxılışın satışına başlanacaq.

"NLT Telecom"da isə yeni Ayfon 1999 AZN məbləğinə satılır. Satıcı bildirib ki, ancaq sifarişlə bu telefondan gətirirlər, həm də bir neçə saata: "Dünən satış qiyməti 2046 manat idi, bu gün 1999 manata düşüb".

Bu arada mühüm bir detalı da bölüşək. Ayfon 7 "home" düyməsi müəyyən vəziyyətlərdə işləməyəcək. Ağıllı telefonların ən böyük çətinliklərindən biri qış aylarında əlcəklə istifadə oluna bilməsidir. İnkişaf edən texnologiyayla birlikdə bir çox ağıllı telefon istehsalçıları cihazları üçün əlcək rejimi (nümunə Huavey) gətirdilər.

Əpl yeni qurğularındakı "home" düyməsini götürüb, özünə aid bir texnologiyayla çıxarılan (Taptic Engine) düyməsindən istifadə edəcək. Ayfon-7-nin ən fərqli xüsusiyyətlərindən biri də bu yeni "home" düyməsidir. Əlcək geydiyimiz zaman dərimiz tamamilə bağlı vəziyyətdə olacağı üçün "home" düyməsi və bu səbəbdən "Touch ID" tamamilə istifadəsiz olacaq.

Ayfon-7 və Ayfon-7 Plus smartfonlarının ilk alıcıları qeyri-adi problemlər ilə qarşılaşıblar.

Belə ki, yüksək gərginlik zamanı cihazlardan qəribə səslər gəlir. DetroitBORG və 512 Pixels adlı Yutub kanallarının müəllifləri həmin problemin təsviri baxımından video paylaşıblar. Problem isə "HissGate" adlandırılıb.

"512 Pixels" kanalının yaradıcısı Stiven Hakett bildirib ki, Əpl şirkətinin artıq problemdən xəbəri var. Çox güman ki, sözügedən problem istehsal olunmuş müəyyən tiraj cihazlarda yaşanır. Qəribə səslər çıxardan smartfonları 5-7 gün ərzində problemsiz digər cihazlar ilə əvəz etmək olar. Əpl isə rəsmi olaraq bu barədə heç bir fikir bildirməyib.