Toy karvanında baş verən təhlükəli manevrlərlə bağlı sosial şəbəkələrdə növbəti kadrlar yayılıb. Videodan görünür ki, sürücü avtomobili arxaya doğru idarə edərək, digər hərəkət iştirakçıları üçün təhlükə yaradır.

Axar.az xəbər verir ki, görüntülərdə hadisənin Təhsil Nazirliyi istiqamətindən Heydər Əliyev prospektinə çıxan yol ötürücüsünün üzərində baş verdiyi görünür.

Bu qayda pozuntusuna görə sürücüyə 3 bal və 60 manat cərimə tətbiq edilə bilər. Bakı şəhər Dövlət Yol Polisi İdarəsinin şöbə rəisi Vaqif Əsədov Xezerxeber.com-a bildirib ki, xüsusilə toy karvanında hərəkət edən sürücülər belə təhlükəli manevrlərlə yaxınlarının şad gününü yasa çevirə biləcəklərini düşünməlidirlər.