Məşhur futbolçu Kristiano Ronaldo avtomobil kolleksiyası ilə diqqət çəkib.

Axar.az Axşam.az-a istinadla xəbər verir ki, portuqaliyalı ulduz sosial şəbəkə hesabında lüks avtomobillərindən ibarət qarajını nümayiş etdirən fotolar yayımlayıb. O, paylaşımına "Oyuncaqlarım" sözlərini yazıb.

Ronaldonun qarajında ümumi dəyəri 30-40 milyon dollar arasında qiymətləndirilən 40-dan çox lüks və eksklüziv avtomobil yer alır. Futbolçunun bu avtomobilləri gündəlik nəqliyyat vasitəsindən daha çox kolleksiya və investisiya kimi saxladığı bildirilib.

Paylaşım qısa zamanda böyük maraq doğurub və 12 milyondan çox bəyənmə toplayıb.