Avropa Kosmik Agentliyi ilə Rusiya Federasiyası Marsın səthinə robot endirib.

Axar.az BBC-yə istinadən xəbər verir ki, Yerdən 500 milyon km məsafə qət etdikdən sonra "Şiaparelli" ("Schiaparelli") robotu Marsın səthinə uğurlu eniş edib. Eniş Bakı vaxtı ilə 17:58 də baş tutub.

Sözügedən eniş ESA üçün 4 il sonraya nəzərdə tutulan daha bahalı və vacib sınaq üçün məşq kimi qəbul olunur. Növbəti sınaq robotu 6 təkərli, 600 kiloqramlıq olacaq və Marsın səthində qazıntılar apararaq həyat izləri axtaracaq.

Əslində kiçik ölçülü "Şiaparelli" robotunun enişi daha sadə olmalı idi. Amma elmi araşdırmalar göstərir ki, Marsın səthi ən inkişaf etmiş texnologiya üçün belə təhlükəlidir.

İndiyə qədər Marsın səthinə göndərilən robotların yarısından çoxu missiyasını yerinə yetirə bilməyib, bir çoxu rotasını səhv salıb, hədəfindən yayınıb və ya eniş zamanı qəzaya uğrayıb.

ESA-ya görə, "Şiaparelli" 2003-cü ildə göndərilmi,ş lakin sonradan terminal nasazlığı yaşamış Biql-2 robotunun verdiyi məyusluğu yaddaşlardan silməlidir.