Tez-tez sizlərə evakuator sürücülərinin yollarda qaydaları pozaraq yaratdıqları təhlükələr barədə xəbər təqdim edirik. Belələrinə daha biri əlavə edilib. Bu görüntüdə isə qadağan edilən yerdə dayanan avtomobili evakuasiya edən evakuator sürücüsü həm öz, həm də yol hərəkətinin digər iştirakçılarının həyatını təhlükə altına atır.

Nəqliyyat axınının əksinə hərəkət edən evakuator yolu bağlayaraq, qadağan edilmiş yerdə saxlanılan maşını evakuasiya edir. Bu zaman isə evakuator sürücüsü avtomobili heç bir təhlükəsizik tədbiri görülmədən yolun ortasında saxlamaqla həm öz, həmdə yol hərəkətinin digər iştirakçılarının həyatını təhlükə altına atır. Sürücülər də evakuator idarə edənlərin bu şəkildə qayda pozmalarına tez-tez şahid olduqlarını bildirirlər.

Yol hərəkəti üzrə ekspert Ərşad Hüseynov isə bildirir ki, qanunvericilik evakuator sürücülərinə heç bir üstünlük vermir. Yol polisinin göstərişi ilə evakutor sürücüsü qaydanı pozduğu zaman isə yol polis əməkdaşı digər sürücülərə müvafiq göstərişlər verməklə həm evakuator ekipajının, həm də digər sürücülərin təhlükəsizliyini təmin etməlidir...

Axar.az Xezerxeber-in bu mövzuda hazırladığı süjeti təqdim edir: