2014-cü ildə WEC-ə (Dünya Dözümlülük Çempionatı) geri dönən "Porşe" ("Porche") LMP1 avtomobili 919 hibridin təqdimatını Cenevrə avtomobil sərgisində reallaşdırıb.

"Axar.az" xəbər verir ki, avtomobilin hibrid sistemi ön oxun üzərində yerləşən elektrik mühərriki və litium-ion batareyalar ilə birlikdə tamamilə yeni 2 litr həcmli tək turbolu V4 mühərrikdən hasil olub. V4 mühərrik 9000 d/d-ə qədər yüksələ bilir və hasil olan gücü birbaşa arxa təkərlərə çatdırır.

"Porşe"nin benzin-elektrik hibridi 4650 mm uzunluğu, 1900 mm genişliyi, 1050 mm yüksəkliyi və 870 kq boş ağırlığı ilə LMP1 qaydaları çərçivəsində hazırlanıb.

"Porşe"nin verdiyi məlumata əsasən, 919 Hibridin təkmilləşdirilməsi üçün 2000 saatdan çox vaxt keçirilib.