Dünyanın ən bahalı maşını satışa çıxarılıb.

Axar.az xəbər verir ki, ikiqapılı Berlinetta Ferrari 250 GTO hazırda kolleksionerlər arasında ən vintaj maşınlardan biri hesab olunur.

Talakrest retro avtomobillərin kolleksioneri Ferrari 250 GTO-nu 45 milyon ingilis funtuna satışa çıxarıb.

Maşın haqqında verilən məlumatda deyilir:

"Bu maşın "Serbinqin 12 saatı" maşın yarışında, 24 saatlıq Le-Mana marafonunda iştirak edib. Maşın 300 at gücündə V12 mühərrikinə sahibdir".

Bu vaxta qədər dünyanın ən bahalı avtomobili olan başqa bir Ferrari 250 GTO 2013-cü ildə ispan kolleksiyaçı tərəfindən adı məlum olmayan şəxsə 52 milyon dollara satılmışdı.