"Honda" bazara hidrogen ilə çalışan ilk avtomobilini təqdim edib.

Axar.az xəbər verir ki, alimlərin hidrogen mühərrikləri haqqında son sorğularında ortaya çıxıb ki, bu mühərriklər elektriklə çalışan mühərriklər qədər ekoloji təmiz olduğuna baxmayaraq, onlar həmçinin məhsuldarlıq baxımından çox effektivdirlər. Texniki xarakteristikalarına baxsaq, hidrogen mühərrikləri elektriklə çalışan "qardaşlarını" geridə qoya bilər. Bu hadisəni az öncə hidrogen avtomobili olan Honda Klariti (Clarity) sübut etdi.

Honda Klariti avtomobilinin sürüş məsafəsi 750 km təşkil edir, hansı ki, ən son elektromobil olan Tesla Model S–də bu rəqəm cəmi 434 km təşkil edirdi. Hondanın təqdim etdiyi hidrogen mühərriklə çalışan yeni sedanın gücü 174 a.g. təşkil edir. Maksimal sürət 160 km/s çatır, avtomobil 70 mPa təzyiq ilə sıxılmış hidrogen çənindən qidalanır. Bununla bərabər, avtomobil akkumlyator qismində istifadə olunan ötürücü generator olan Pover Eksporterdən istifadə edir.

Qeyd etmək lazımdır ki, Teslanın Povervall mühərriklərindən fərqli olaraq hidrogen mühərriklərinin bir çatışmazlığı var. Bu avtomobillərdə günəş enerjisindən istifadə olunmasından söhbət gedə bilməz. Bunun əvəzinə xüsusi yanacaqdoldurma məntəqələrindən istifadə olunur.

Hazırda Honda Klariti xüsusi partiya istehsal olunub və ancaq Yaponiyada almaq olacaq. Satışlar tezliklə başlayacaq. Klariti Avropa və ABŞ-a 2016-cı ilin sonlarından tez gəlməyəcək.