Bu gün səhər saatlarında Bakının Yasamal rayonu ərazisində zəncirvari qəza baş verib.

Trend-in hadisə yerindən verdiyi məlumata görə, qəza səhər saat 08:20-də Bakı Beynəxalq Avtovağzalından "20 yanvar" istiqamətində hərəkət edən yolda, Moskva prospektində qeydə alınıb.

Həmin istiqamətdə hərəkətdə olan "Mersedes-S Klass" makralı avtomobil yüksək sürətlə hərəkət edərkən, yolun sürüşkən olması səbəbindən sürücü idarəetməni itirib. Nəticədə maşın keçidin səkisinə dəyərək hərəkətdə olan "Nexia" markalı avtomobilə çırpılıb. Daha sonra VAZ-2107 markalı maşına dəyib. VAZ-2107 markalı avtomobil isə "Opel" və digər VAZ-2107 markalı maşına çırpılıb.

Hadisə nəticəsində "Mersedes- S Klass" makralı maşında olan sərnişin yaralanıb. Avtomobillərə maddi ziyan dəyib. Qəza nəticəsində yolda avtomobil sıxlığı yaşanıb.