Almaniyanın “Mersedes-Benz” şirkəti 2016-cı ildə 2,08 milyon avtomobil satıb.

Azərtac xəbər verir ki, bu barədə məlumat “Daymler” avtokonserninin saytında yer alıb. Müvafiq göstərici şirkətin tarixində rekord hesab edilir.

“Mersedes-Benz”in hesablamasına görə, şirkət 2016-cı ildə premium-klass minik avtomobillərinin satışı üzrə lider olub. Bundan əvvəl “Audi” ötən il ərzində 1,87 milyon satılmış maşın barədə hesabat verib. “Mersedes-Benz”in digər rəqibi “BMV” 2016-cı ildə satışın yekunu barədə hələ məlumat verməyib. “BMV” 11 ay ərzində 1,82 milyon avtomobil satıb.

“Daimler”in başçısı Diter Tsetşe bildirib ki, ardıcıl olaraq altı ildir “Mersedes-Benz”in satış həcmi yüksəlir. Sonuncu il dünya üzrə satış 11,6 faiz artıb.