Bu nişanlar nəqliyyat vasitələrinin və piyadaların hərəkəti üçün nəzərdə tutulan yolları göstərir.

Sürücü-təlimatçı Elvin Hacıyev yol nişanları ilə bağlı maraqlı videoçarxlar hazırlayıb. Videoçarxda yol nişanları ayrı-ayrı qruplar şəklində təqdim olunur və səsli şəkildə izah edilir.

Avtosfer.az-ın təqdim etdiyi növbəti videoda siz məcburi hərəkət istiqaməti nişanlarının mənası və təyinatı ilə tanış ola bilərsiniz.

Məcburi hərəkət istiqaməti nişanları nişanları «Yol hərəkəti haqqında» qanunun 65-ci maddəsində əksini tapır. Bu nişanlar dairəvi göy fonda və ağ simvollardan ibarətdir. Məcburi hərəkət istiqaməti nişanları sürücülərə nəqliyyat vasitələrinin icazə verilmiş istiqamətini, sürətini, müvafiq nəqliyyat vasitələrinin istiqamətini və piyadaların hərəkəti üçün nəzərdə tutulan yolları göstərir. Avtosfer.az həmin nişanlarla bağlı səsli videoçarxı və qanunun həmin maddəsini təqdim edir:

Maddə 65. Məcburi hərəkət istiqaməti nişanları

I. Məcburi hərəkət istiqaməti nişanları sürücülərə nəqliyyat vasitələrinin hərəkətinin icazə verilmiş istiqamətini, sürətini müvafiq nəqliyyat vasitələrinin hərəkətini, eləcə də piyadaların hərəkətiüçün nəzərdə tutulan yolları göstərir.

II. Bu nişanların dairəvi forması və mavi fonu vardır.

III. 4.1.1, 4.1.2, 4.1.3, 4.1.4, 4.1.5, 4.1.6 nişanları yalnız oxlarla göstərilən istiqamətlərdə hərəkətə icazə verir. Sola dönməyə icazə verən nişanlar geriyə dönməyə də icazə verir. 4.1.1—4.1.6 nişanlarının qüvvəsi ümumi istifadədə olan nəqliyyat vasitələrinə şamil edilmir.

IV. 4.1.1—4.1.6 nişanlarının qüvvəsi qarşısında nişan qoyulmuş yolun hərəkət hissəsinin kəsişmə yerinə şamil edilir.

V. Yol sahəsinin başlanğıcında qurulmuş 4.1.1 nişanı ən yaxın yolayrıcına qədər qüvvədə olur. Bu nişan həyətlərə və yola bitişik digər ərazilərə girmək üçün sağa dönməyi qadağan etmir. 4.4 nişanı minik avtomobillərinin, avtobusların, motosikletlərin, ümumi istifadədə olan nəqliyyat vasitələrinin və icazə verilmiş maksimum kütləsi 3,5 tondan artıq olmayan yük avtomobillərinin hərəkətinə icazə verir. Bu nişan işarələnmiş sahədə yerləşən müəssisələrə xidmət edən, habelə həmin sahədə yaşayan vətəndaşlara xidmət edən və ya məxsus olan digər nəqliyyat vasitələrinin hərəkətinə də icazə verir. Belə hallarda, nəqliyyat vasitələri işarələnmiş sahəyə təyinat yerinə ən yaxın yolayrıcından girib-çıxmalıdırlır.