Formula-1 yarışlarının əfsanəvi pilotu Mixael Şumaxerlə bağlı növbəti xəbər yayılıb.

Axar.az xəbər verir ki, Formula-1-in keçmiş pilotu Filip Streif həmkarının səhhətinin normal olduğunu bildirsə də, onun bir daha yeriyə bilməyəcəyini deyib.

“Şumaxer yaxşılaşsa da, həyatının qalan hissəsini əlil arabasında keçirəcək. O, həyat yoldaşını və uşaqlarını tanıyır. Lakin danışa bilmir. Gözləri ilə əlaqə qurur. Hafizəsində problem var”, - Streif bildirib.

Xatırladaq ki, 2013-cü ilin dekabr ayında xizək sürərkən yıxılıb beyin zədəsi alan dünya şöhrətli pilot 2014-cü ilin sentyabrından bu yana müalicə alır.