"Haasa"nın fransalı pilotu Romen Qrojan Formula-1-in Bakıda keçiriləcək qarşıdakı mərhələsi ilə bağlı gözləntilərini bölüşüb.

Report xəbər verir ki, Qrojan mərhələnin çox maraqlı keçəcəyini vurğulayıb.

"Mərhələ maraqlı olacaq. Bu yolun bəzi hissələrində daha geniş maşınların sükanı arxasında müəyyən çətinliklər olacaq, digər hissəsində isə hücum etmək daha yaxşı olacaq. Açıq yollarda ən yüksək sürət bir qədər aşağı düşəcək. Düşünürəm ki, Bakıda yeni nəsil maşınlarla – avtomobili gec dayandırmaq və döngələrdə, həm də divarlarla əhatə olunmuş sürətli dar döngələrdə ən yüksək sürəti saxlamaq istəyi ilə çıxış etmək çox maraqlı olacaq", - Qrojan qeyd edib.

Yolun birinci hissəsinə uzun düz və 90 dərəcə döngələr öncəsi ciddi tormozlamalar daxildir. O qədər də maraqlı hissə deyil, lakin orada irəli çıxmaq olar. Ardınca yolun mahiyyəti dəyişir. Yol qala divarlarının əhatəsində yoxuşa gedir – ora çox sürətli hissədir, son iki döngədə isə yol uzun düz öncəsi enişə gedir. Sanki bir trassda iki müxtəlif yol var", - deyə Qrojna bildirib.