Bir neçə həftədir ki, internet üzərindən geniş yayılan "Petya" virusu çoxsaylı kompüteri iflic vəziyyətə salıb və nəticədə əksər iri müəssələrin işini çox ciddi şəkildə pozub.

Şərq.az xəbər verir ki, daha çox "Vindovs" sistemində böyük sürətlə yayılan bu virus öncə komputerin yaddaş diskində mövcud olur. Qısa müddətdən sonra kompüteri istifadəolunmaz hala salır. Kompüteri söndürüb yenidən yandıranda virus öz işini görür.

Və daha sonra kompüterin ekranında kodu əldə edib kompüteri işə salmaq üçün 300 dollar ödəniş tələb olunur. Qeyd edək ki, bu virusu yayanlar "Petya" adı altında gizlənən mafioz şəbəkələrdir.