Azərbaycana sükan mexanizmində qüsurlar olan “Mersedes-Benz” avtomobilləri gətirilməyib.

Bunu Trend-ə “Daimler AG” şirkətinin “Mersedes” avtomobilləri üzrə baş nümayəndəliyi “AvtoKapital Azərbaycan” MMC-dən məlumat verilib.

Məlumatda bildirilir ki, sifarişlərdən asılı olaraq hər ölkəyə müxtəlif partiya avtomobillər tədarük edilir:

“Azərbaycana bu partiyalardan avtomobil gətirilməyib, ona görə də “Mersedes” markalı avtomobillərin geri çağırılması gözlənilmir”.

Qeyd edək ki, "Mersedes-Benz" şirkəti sükan mexanizmində qeydə alınan qüsurlarla əlaqədar Rusiyadan 3500-ə yaxın avtomobili geri çağırıb.

Geri çağırılma 2012-ci ildə satılan C sinif və 2013-14-cü illərdə satılan G sinif avtomobillərə şamil olunur.