“DisplayMate” mütəxəssisləri müxtəlif smartfonların ekranlarını sınaqdan keçirərək ən mükəmməl ekrana sahib telefonu müəyyən ediblər.

Axar.az xəbər verir ki, “Samsunq Qalaksi Note 8” telefonu mütəxəssislər tərəfindən rekord sayda bal toplayıb.

“Qalaksi Note 8”, 1440 pikseldən 2960 pikselə qədər yüksəldilmiş, əyri forması olan 18.5:9 nisbətində 6.3 düym “Super Amoled” ekrana malikdir. Şirkətin nümayəndələri xüsusilə qeyd ediblər ki, ekranın ətrafında çərçivələrin olmaması smartfonun maksimal kompaktlığına nail olmağa və bir tərəfdən də onun tək əllə istifadəsini asanlaşdırmağa imkan verib.

“Samsunq”un yeni flaqman modeli ən yüksək ekran parlaqlığına malikdir – 1200 nit. “DisplayMate” tədqiqatçılarının dediyinə görə, sınaqdan keçirdikləri modellər arasında Note 8 ən innovativ və yüksək göstəricilərə sahib ekranla lider olub.

Galaxy Note 8 ekranı yüz faiz rəngli qamma DCI-P3c-ni dəstəkləyir və UHD Alliance və Mobile HDR Premium sertifikatlarına malikdir. Cihaz 4K UHD Premiumu dəstəkləyən televizorlar üçün nəzərdə tutulmuş məzmunu asanlıqla canlandıra bilər.

“Qalaksi Note 8 Qualcomm Snapdragon 835” yüksək prosessoru əsasında işləyir və 6 GB RAM ilə təchiz olunub. Note 8, 12 meqapikselli 2 moduldan ibarət olan əsas kamera ilə təchiz olunan ilk Samsung smartfonu olub. Bundan əlavə, cihaz 8 meqapikselli ön sensorla təchiz edilmişdir.

İstifadəçilər artıq Samsung şirkətinin rəsmi internet səhifəsində “Qalaksi Note 8” üçün əvvəlcədən sifariş də verə bilərlər. Cihaz üç rəngdə mövcud olacaq: "qara almaz", "mavi safir" və "sarı topaz".